భుజంగాసనం అనుసరించాల్సిన విధానం
ఈ రకమైన భంగిమలో, స్వతహాగా శరీరాన్ని వంచాలి, అనగా నుదురు భాగం భూమికి అనుకునేలా నెలపై పడుకోండి. ఆ తరువాత మీ అర చేతులను నెలపై ఉంచి శరీర సగభాగాన్ని లేపండి, మీ కాళ్ళను అలానే చాపి, పైన పటంలో తెలిపిన విధంగా కాలి యొక్క బొటన వేలును నెలకు తాకి ఉంచండి. ఈ భంగిమను చేసిన తరువాత, గాలిని పీల్చండి, వదలండి. ఈ విధంగా చేయటం వలన మీ శరీర బరువు తగ్గుతుంది, ఈ భంగిమ చూడటానికి పాము వాలే ఉండటం వలన కోబ్రా భంగిమ అని కూడా అంటారు.
భుజంగాసనం చాలా శక్తివంతమైన భంగిమగా పేర్కొనవచ్చు, ఈ ఆసనాన్ని అనుసరించటం వలన వెన్నుముకలో కలిగే నొప్పి నుండి ఉపశమనం కలుగుతుంది. వెన్నుముక సమస్యలతో ఇబ్బందులను ఎదుర్కొనే వారు దీనిని అనుసరించటం వలన నొప్పుల నుండి మరియు వెన్నెముక సమస్యల నుండి ఉపశమనం పొందుతారు.
భుజంగాసనం వలన కలిగే ప్రయోజనాలు
ఈ రకమైన ఆసనాన్ని నిపుణుల వద్ద నేర్చుకున్న తరువాత, ఇంట్లోనే రోజు అనుసరించవచ్చు. భుజంగాసనను రోజు ఇంట్లో అనుసరించటం వలన చాలా ప్రయోజనాలు ఉన్నాయి. వాటిలో కొన్ని ఇక్కడ తెలుపబడ్డాయి
వెన్నెముకకు బలాన్ని చేసూరుస్తుంది
‘కోబ్రా’ భంగిమగా పేర్కొనబడే ఈ ఆసనాన్ని అనుసరించటం వలన శరీర వెన్నెముకపై ఒత్తిడి ఏర్పడి, బలాన్ని చేకూరుస్తుంది. వెన్నెముక పైభాగం మరియు క్రింది భాగం ఒత్తిడి కలిగేలా ఈ ఆసనం నిర్మితం చేయబడింది. కానీ, తీవ్రమైన వెన్నునొప్పిని కలిగి ఉంటె మాత్రం, ఈ ఆసనాన్ని వేసే ముందు మీ వైద్యుడిని కలవటం క్షేమం.
అంతర్గత అవయవాలను ఉత్తేజపరుస్తుంది
భుజంగాసన వలన భౌతిక పరంగానే కాకుండా, అంతర్గత శరీర అవయవాల పని తీరును కూడా మెరుగుపరుస్తుంది. ముఖ్యంగా, జీర్ణాశయ సమస్యలతో భాదపడే వారికి ఈ ఆసనం చాలా రకాలుగా ఉపయోగపడుతుంది. ఈ ఆసనం వలన అంతర్గత అవయవాలను ఉత్తేజానికి గురి చేసి, జీర్ణక్రియ సజావుగా జరిగేలా చూస్తుంది.
ఉదరభాగంలో కొవ్వు
యోగా ఆసనాల వలన, శారీరకంగానే కాకుండా, అందాన్ని కూడా మెరుగుపరుస్తుంది. అనగా ఈ ఆసనాన్ని అనుసరించటం వలన పొట్ట చుట్టూ ఉన్న కొవ్వు సులభంగా తగ్గిపోతుంది. రోజు భుజంగాసనను అనుసరించటం వలన పొట్ట చుట్టూ ఉండే కండరాలపై ఒత్తిడి పెరిగి, కొవ్వు కరిగిపోతుంది.
మానసిక ఒత్తిడి నిర్వహణ
ఉద్రేకత మరియు డిప్రెషన్ వంటి వాటిని కలిగి ఉండి, సతమతం అవుతున్నారా! అయితే ఇది మీకు శుభవార్త అనే చెప్పాలి. భుజంగాసనను రోజు అనుసరించటం వలన, అలసట, తలనొప్పి మరియు బలహీనత వంటి వివిధ రకాల సమస్యల నుండి ఉపశమనం పొందుతారు. వీటితో పాటుగా డిప్రెషన్ వంటి మానసిక సమస్యలను కూడా ఈ ఆసనం ద్వారా తగ్గించుకోవచ్చు. కానీ మైగ్రిన్ లేదా ఇంసోమ్నియా వంటి సమస్యలు కలిగి ఉన్న వారు ఈ ఆసనాన్ని అనుసరించటానికి ముందు నిపుణుల సలహాలను తీసుకోవటం చాలా మంచిది.
రక్త పరసరణను మెరుగుపరుస్తుంది
శక్తివంతంగా మరియు చైతన్యవంతంగా ఉండటానికి, మెరుగైన రక్తప్రసరణ అవసరం. భుజంగాసన వలన కలిగే మరొక ప్రయోజనం- రక్త ప్రసరణలో మెరుగుదల. మీ శరీర రక్త ప్రసరణ మెరుగ్గా ఉంటే, శరీర కణాలకు కావలసిన పోషకాలు మరియు ఆక్సిజన్ సరఫరా అధికంగా జరుగుతుంది. మెరుగైన రక్త ప్రసరణ వలన హార్మోన్’లు కూడా సరైన స్థాయిలో విడుదల అవుతాయి.
ఆసనాలను అనుసరించే ముందు అవగాహన లేదా నిపుణుల సలహాలను తీసుకొని అనుసరించటం చాలా మంచిది.
ShubhAurLabh 